2014-imi inuusuttut ilinniarnerat suliffeqarnerallu

2014-ip naanerani kalaallit inuusuttut 16-it 25-illu akornanni ukiullit 5.795-it imaluunniit 65 procentii ilinniarfinnut suliffeqarfinnulluunniit atassuteqarput.

Inuusuttut pineqartut 614-it Kalaallit Nunaata avataani efterkolenik ilinniakkanillu ingerlataqarsimapput. Kalaallit Nunaanni inuusuttut najugaqavissut qiviassagaanni 62 procentii ilinniakkanik ingerlataqanngikkunik suliffeqartuupput. Agguaqatigiissinneralu tamanna 2009-mit 2010-mi ineriartornermut sanilliullugu 6 procentimik appariarsimavoq. Najugaqavissut amerlassusaat ukiut ingerlanerini allanngorsimavoq, ukiunilu tulleriinni 2014-imi 8.034-iullutik ikinnerpaasimapput.

 

Najugaqavissut inuusunnerusut 16-it 18-illu akornanni ukiullit qiviassagaanni 567-it imaluunniit 27 procentit 2014-ip naanerani ilinniakkanik ingerlataqarsimapput, inuusunnerusullu 1.075-it ilinniakkanik ingerlassinatillu suliffeqarsimanngillat. Taakku agguaqatigiissinnerat 2009-mut sanilliullugu 8 procentpointinik qaffariarsimapput. Tamakkiisumik kisitsit ukiut ingerlanerini appariarsimavoq suliffeqartullu amerlassusaat affaannanngorsimalluni.